one day to go

Samay,
intezaar kya hota hai
ye tum sikha chuke ho mujhe,
acchi tarah
Is jeevan mein
har khushi ka
intezaar hi to kiya hai maine
ab tak

Samay,
agar main tumse
ek prarthna karoon
kya manoge meri baat

Agar main kahoon tumse
ki tham jana is baar thoda
jab main miloon
us se
Beet jaane dena kuch sadiyan
jab wo meri baahon mein ho
Padh lene dena mujhe uski aankhein
kuch hazaar saalon tak
Aur ruk jana ek-ek saal
har ek kadam par, jo hum saath saath lein

Samay, agar main kahun tumse
ki thaam lena apne chakr ko
jab main bichdoon us se
kya manoge meri baat

Maana,
hum dost nahi the kabhi
par saath to chale ho tum hamesha mere
Samay,
intezaar kar ke thak gaya hoon main
ab, pyaar karne do mujhe